sturta

það er rosalega gott að hafa sturtu heima. miklu betra en að hafa ekki sturtu heima.
þetta get ég fullyrt af því að ég hef prófað hvort tveggja á sjálfri mér bara núna alveg nýlega.
reyndar ekki í fyrsta sinn því fyrir mjög mörgum árum bjó ég við slíkar aðstæður að við þáverandi sambýlismaður minn deildum sturtu með leikaraefnunum í hinni íbúðinni. við bjuggum á annarri hæð, þeir á þriðju, sturta og þvottavél var í kjallaranum og míní-klósettið okkar á stigapallinum á þriðju, eiginlega alltaf skítugt. en þetta var nú á laugavegi og því mikið stuð, með eða án sturtu.
og þetta hafðist alveg. við fluttum á hjónagarða þegar komin var á mig stór kúla af barni. þar fylgdi sturta íbúðinni. og klósett líka.