veruleiki

ljúft að vera ekki lengur ein í bóli. lífið eftir noreg er samt ljúfsárt. nú tekur við frágangur, niðurpakkelsi, kveðjustundir, hætta hér og hætta þar.
en endir eins er upphaf einhvers annars ... við hefjum nýtt líf í trekt eftir aðeins einn mánuð.
ég fyllist skelfilegri tilhlökkun.

norge

heitt og gott og gaman ad vera i norge. fjor og frami med vigdisi finnboga, tomma tomm, herbie hancock, sigur ros og hilmari erni. blanda af heidni og kristni. en nu er eg buin ad fa nog! a morgun kem eg heim, heima er best!!!

húrra fyrir kvenlegum dyggðum!

það var lagið þórdís! upp með prjónana.
annars fékk ég ansi skemmtilegt útsaumsstykki í afmælisgjöf svo að nú hvíla prjónarnir mínir sig í bili.
systur mínar voru svo elskulegar að gefa mér undurfallegan tilvonandi púða (bruxelles bouquet nr. 45) frá ehrman tapestry. það er skemmst frá því að segja að þetta er óheyrilega skemmtileg iðja, og ég hlakka til hverrar mínútu sem ég mun hafa aflögu í þetta skemmtilega dúllerí meðfram námi mínu í trekt. sem betur fer er sjónin enn í lagi, annars þyrfti ég kannski að fá mér svona og ég tími því sko ekki! mamma ætti samt kannski að fá sér svona fyrir næsta þjóðbúning sem hún saumar, kláraði tvo fyrir 17. júní og á enn eftir að sauma á mæju mína, amk!!! hver veit nema ein lítil eigi eftir að bætast í frænknaskarann á næstunni ... ???
ef ég væri ekki á leið til noregs í nótt mundi ég bjóða þórdísi í heimsókn í stutta hannyrðastund. saumaklúbburinn minn, sem er ekki veitingaklúbbur, er í hálfgerðu lamasessi þar sem 1/3 hefur nýlega fjölgað sér. til hamingju með júlíu litlu og hina nafnlausu!

eitthvað hafa stjörnurnar klikkað í dag! mér sýnist enginn nenna að lesa það sem ég skrifa, kannski bara eins gott, ég skrifa til að lifa, eða þannig. ég hef mjööög góða reynslu af því að tala án þess að á mig sé hlustað! og kann því ágætlega, þá getur maður líka sagt svo margt. kannski munu allir hinir í kórnum hlusta á mig á kóræfingunni á eftir ... ég vona samt ekki. röddin er ekki alveg upp á sitt besta, lúin og þreytt. vonandi næ ég góðum svefni fyrir brottför af stæði kl. 5 í fyrramálið (í annað skipti á einni viku - mjög óheilbrigt!). ég sef svo í flugvélinni, og svo er það bara heja norge, here i come!!!!

annars sé ég að álfurinn minn er orðinn duglegur að skrifa líka! þetta líkar mér. orðin doltið stór, mundi ég segja, komin í sömu stærð af skóm og ég!!! ertu til í biðja pabba þinn um að mæla þig (hvað þú ert sko há), af því að það gleymdist áður en þú fórst. ég hlýt að geta falsað það á vegginn heima. luvja xxx

samkvæmt stjörnuspá minni vilja allir hlusta á það sem ég segi í dag, hversu merkilegt eða ómerkilegt sem það kann að hljóma eða vera yfirhöfuð.
því segi ég það: ef þú átt vin í raun, fyrir þína hönd, guði sé laun.
mér virðist annars ástandið á veðrinu vera verra í noregi en hér, og á víst eftir að versna. til hvers að fara til útlanda ef veðrið er ekki skárra þar?

dísös kræst! ég á að fara að frumsýna óperu á föstudaginn, má ekki hafa nótur og þarf því að læra þetta utanað á fjórum dögum. anna hin var að senda okkur textann til að einfalda utanaðbókarlærdóminn, þessi elska.
annars veit ég ekki hvað við eigum að ,,leika'', en við eigum amk að klæðast sauðlitum ullarsokkum utanyfir hælalausa skó og kórbúningi, kannski e-rju fleiru. verður spennandi að mæta á æfingu á miðvikudaginn!
óperan er sumsé glæný, samin í tilefni af 850 ára afmæli niðaróssdóms en þar verður hún jafnframt flutt einum þrisvar sinnum á olavsfestdagene um komandi helgi. sögusviðið er þrándheimur fyrir hartnær níu hundruð árum og fjallar óperan um átök erkibiskupsins eysteins erlendssonar við sverri sigurdsson konung. ég ætla ekki að segja hvernig þetta fer, ef einhver skyldi ætla að koma...

þegar ég var í 9. bekk, sem nú heitir 10. bekkur, kenndi skólastjórinn í árbæjarskóla, hann jón heitinn árnason, mér íslensku. hann hafði það fyrir sið að kenna alltaf einum 9. bekk íslensku. bekkinn valdi hann af kostgæfni, vildi að sjálfsögðu sem minnst af leiðindapúkum og vandræðagrislingum, en af þeim var víst nóg í skólanum. sumsé, bekkurinn minn varð fyrir valinu, enda góður bekkur, skipaður góðu fólki á borði við okkur sólveigu vinkonu mína og ellýju ármanns þulu, fyrir utan andra haraldssonar í andra. þetta voru ágætir tímar hjá honum kallinum. hann hafði kennt þetta sama í mörg mörg ár og kunni sína rullu. sömu brandarar ár eftir ár og hægt að fylgja glósum þeirra frá í fyrra nákvæmlega eftir. jón var glæsimenni, hár og sólbrúnn og jafnan óaðfinnanlega til fara. gekk um með hæfilegt bros á andlitinu og hélt á gleraugunum í annarri meðan hann sagði eitthvað ofurmerkilegt.
meðal þess sem við gerðum hjá jóni var að lesa íslandsklukkuna, þar er eftirminnilegast hvað hann var heillaður af lýsingunni á nafna sínum: svartur, tötramaður, ljótur, þetta þuldi hann nokkrum sinnum af mikilli velþóknun.
annað sem ég man sérstaklega vel er þegar hann sendi okkur öll heim að yrkja, helst óbundið. í næsta tíma spurði hann hvort einhver hefði ort nokkuð, en fáir gáfu sig fram (þótt sjálfsagt hafi margir gert tilraun, hver vill opinbera mögulega ljóðagáfu í 9. bekk í árbæjarskóla?). jón átti svar við því, og hafði greinilega ekki búist við neinu af okkar hálfu. hann fór með ljóð sem nemandi hans hafði ort nokkrum árum fyrr, greinilega mikill uppáhaldsnemandi, veit ekki hver. mér datt þetta í hug þegar ég fór að sækja mér kaffi hér í nýja-garði. ljóðið hljóðar svo:

sóðinn kom,
settist að,
sínum þörfum þjónaði.
svo gerðist það.

úði

mér fannst svo notalegt að ganga um í úðanum í morgun. ég held að eftir þurrkinn og sólina og birtuna og hlýjuna hafi þetta verið nauðsynlegt, aðeins að skerpa á litunum í lífinu. og stjúpurnar á svölunum fagna þessu líka - ég gleymi alltaf að vökva. það verður líka auðveldara að vinna við þessar aðstæður og nú er um að gera að halda á spöðunum. noregur er á miðvikudaginn ...

sumarið gerir manni sannarlega gott! t.d. er ég, nöldurseggurinn, búin að vera í góðu skapi alla helgina þrátt fyrir að hafa þurft að vinna aukavinnu og þrátt fyrir að allt sé í rúst á heimilinu. þegar ég kom heim af kóræfingu í kvöld horfði ég bara sæl á sæta manninn minn og sætu dóttur okkar og kyssti þau bæði, settist í stól inni í stofu og horfði í kringum mig á sæta heimilið okkar og sá að það var harla gott. skíturinn og draslið truflaði mig ekki hætishót. ástæðan: sólin og blíðan! álfurinn hringdi líka í dag, sæll og glaður eftir ferð í tívolí og á strönd, og mín bara á bíkiníinu! því miður var mæjan sofandi og gat því ekki spjallað við stóru sys, en það kemur síðar.

annars verður stórt skref stigið í næstu viku hér á bæ. ég er á leið í vikuferðalag á miðvikudag og barnið verður heima með pabba sínum. ég hef alveg farið frá henni áður en þá fórum við bæði og þá tók ég með mér brjóstapumpu (hún var sko sjö mánaða) og skildi eftir glás af frystri móðurmjólk! þegar ég kom til baka var meiri mjólk í brjóstunum á mér en áður en ég lagði af stað (ég var svo hrædd um að missa mjólkina að ég hellti lítra af spenvolgri móðurmjólk á hverjum degi - hefði kannski átt að gefa einhverjum hana, æjæjæj!). nú er pæjan orðin aðeins eldri og lítið eftir af þessum eðaldrykk sem hún hlakkar til að súpa á allan daginn (engar ýkjur). því er tímabært að láta af þessum annars notalega sið okkar mæðgna. greyið b. og þó, þetta verður eðaltími fyrir fallegu feðginin. erfiðara fyrir mig, en ég vona að mæjan erfi þetta ekki við mig ...

sólin er of heit til að ég nenni að hanga inni meir ...

hverjir blogga?

af hverju bloggar fólk? ég held að þeir, þ.e. við, sem blogga séu áhugafólk um fólk. þeir sem hafa áhuga á því að lesa það sem öðru fólki dettur í hug að skrifa merkilegt eða ómerkilegt og henda sér svo út í sjálfir til að sjá hvort þetta er gaman. ég held líka að margir bloggarar séu reiðir og pirraðir og vilji fá útrás fyrir leiðindatilfinningar hér á netinu frekar en að láta hana bitna á ástvinum (skv. umræðum í tengslum við þórdísarfærslu um stöð tvö getur slíkt verið varhugavert, úff!). snjallt! sumir spjalla bara svona bla bla um það sem þeim dettur í hug, eru doltið út úr kú, svokallaðir draumóramenn! aðrir um tilfinningar, mat, áhugamál, pólitík ... ókei, um alveg ógeðslega margt. svo virðist mér ansi margir bloggarar vera krabbar. ég tilheyri a.m.k. þeim hópi.
til hamingju með daginn, jakobs synir!

kýraugun

þessi tvö ræddu um daginn kýraugun í vesturbæjarlaug. ég veit um önnur eins í laugardalslaug ... og í þeim eru myndavélar sem fylgjast með hverri hreyfingu ... úlala
en þetta er víst fyrir öryggisverðina (eða hvað þeir nefnast sem kalla: kúkur í lauginni, allir upp úr!), svo að þeir sjái nú hvort einhver (kúkur eða kall) húrrar á botninn. sumsé: öryggisatriði, en hver veit hver er á öryggisvaktinni? því skulum við draga inn magann og synda fallega, umfram allt, fallega!

kveðjustundir

kveðjustundir eru skrítnar. maður kvíðir fyrir í marga daga, er fjarrænn og mönnum vart sinnandi, miður sín yfir þessu komandi andartaki þegar ástvinur manns hverfur sjónum ... bless, elskan mín ... en svo þegar á hólminn er komið er þetta bara stutt og sætt, kannski smátár, en ekkert flóð eða svoleiðis og við tekur nýtt skeið, sól og ævintýri á báða bóga. nú verð ég ekki melankólísk og meyr meir, kveðjustundin er að baki og ég söng ferrari á fullu í sólinni með nöfnu gröndal og fannst ég æðisleg. júhú!!!!

sól sól skín á mig!!!

það er besti dagur sumarsins í dag ... og hér sit ég ... í hvítu og bleiku sumardressi ... en ég ætla að hætta snemma og fara í sund með stelpurnar mínar tvær.
það er versti dagur sumarsins í dag ... á morgun á ég bara eina stelpu og einn karl. hlakka til að eiga aftur tvær stelpur og einn karl.

ég segi bara eins og er frjálsi, hann reddar stundum málunum, takk, félagi, takk!

funerals = jarðarfarir. ég hef verið við rosalega margar jarðarfarir og finnst tónlist funerals ekki minna bofs á þær, sem betur fer. mundi heldur ekki vilja hafa tónlist funerals í minni jarðarför, frekar hlusta á hana í vinnunni, eins og í dag.
hvaða tónlist vil ég hafa í jarðarförinni minni? fullt af fallegri tónlist, t.d. duruflé: ubi caritas í flutningi eðalkórs. ég veit að fjölskyldan reddar því. af því að mér finnst kirkjutónlist svo falleg má jarðarförin mín vera eins og kirkjutónleikar með broti af því besta úr bransanum, og stuttri ræðu, rétt nógu langri fyrir tónlistarfólkið að fá sér kaffibolla og kökusneið kannski. svo eftir tónleikana yrði erfisdrykkja sem ég vona að allir sem vilja kveðja mig mæti í og tali um hvað lífið er dásamlegt. því það er það.

hjözzi segir: þetta reddast! og ég trúi honum barasta og slaka á ... hei, ég er nú einu sinni marley!

Fyrir þá sem ekki þekkja mig, þetta er ég:

You are Bob Marley!


Who are you?
brought to you by Quizilla

það er allt að gerast maður!!!! komin með stóra og flotta íbúð í útlöndum á 10. hæð með svölum! komin með líklega leigjendur að íbúðinni okkar! allt að gerast, er þetta ekki frábært?

ji, ég er doltið feimin ... hingað slysast kannski inn alls konar fólk sem ég þekki ekki neitt (rétt eins og ég hef slysast inn á síður hjá ókunnugum undanfarna mánuði) og les það sem ég skrifa. ég sé það strax að ég steig stórt skref fyrir helgi. farin að lifa tvöföldu lífi. en, hvað með það, skítt með spéhræðslu og svoleiðis. sko! ég sagði það, bloggið fær mig til að takast á við feimni og spéhræðslu. er þetta ekki æðislegt?

og bæðevei ... til hamingju með daginn þórdís, ferfalt húrra fyrir þér! það er frekar tómlegt og dauft í vinnunni núna.

taka 2: ... sjálfshjálparnámskeið hvað? blogg er málið. ég hef greinilega lifað í sjálfsblekkingu alveg þangað til núna. ég hélt, sbr. það sem stendur hér á síðunni, að ég væri kona, sátt við lífið og tilveruna, en hef nú þurft að hlusta sjálfa mig tuða við mína góðu kollega í vinnunni að ég bara þoli ekki þetta og ég þoli ekki hitt (smámunasemin söm við sig). ég spara mér því stórfé með því að blogga í stað þess að fara á námskeið sem kennir mér að þekkja sjálfa mig og svo framvegis ... ég er ekki alveg sátt. hmmm, umhugsunarefni ... annars er ég samt alveg sátt við lífið, og meira að segja mjög sátt. finnst það algjör snilld, kraftaverk bara, ætti þess vegna að reyna að bera harm minn í hljóði þegar eitthvað fer í fíngerðu taugarnar mínar. ok?

skyldi þetta koma núna?

jæja, nú er að sjá hvað hér mun birtast, hversu oft og hversu merkilegt. hvernig er lífið á netinu? skyldi það vera frábrugðið því­ lí­fi sem ég hef lifað hingað til? sjáum til með það. hér er ég alla veganna og hananú!