hvað á þetta að þýða?

ég var í miðri setningu, var að segja frá því í mjög stuttu hversu mikið orsakartengingar í hollensku hafa verið rannsakaðar (ólíkt íslensku semsé), elvis costello, vinur minn, söng i want you, tölvuskjárinn varð bikasvartur og ... tölvan drap á sér. þetta er heldur hvimleið hegðun hjá ungri tölvu, verð ég að segja.

aldrei aftur

þegar faðirinn sótti 3 ára dótturina í leikskólann í dag kallaði sú stutta til önnu (eða anna, rmb leiðrétti sig ... enda anna þessi ekki íslensk!) og spurði hana hvort hún yrði í leikskólanum á morgun. anna svaraði ekki strax svo að hún kallaði aftur. anna kallaði á móti: nei. þá sagði litla telpan við föður sinn: ég sé hana aldrei aftur.

á morgun/í dag er síðasti dagurinn í leikskólanum. systir (best í heimi) og hún sjálf hafa útbúið 24 litla rúsínupakka með kveðju frá maríu, á einn pakkann skrifaði prinsessan ramy, en hann er prinsinn hennar. hún á eftir að sakna hans og allra hinna krakkanna, garðsins, kúnna, hestanna, stóru og smáu, og svo auðvitað söskju, jenneken og ansjúlí, sem eru yndislegar fóstrur.

es. rmb notað "þó svo" í setningu í morgun ... og ég var ekki nógu vöknuð til að muna efni hennar. málvísindamóðurbömmer!

sími og tími

jæja, nú er búið að tilkynna brottför úr borginni, segja upp símum osfrv ... þeim sem þurfa að ná í okkur á næstunni skal góðfúslega bent á að á föstudaginn verður heimilissíma okkar hér í trekt lokað! svo verðum við bara hjá pa&ma í ágúst, nema þessa viku sem við flatmögum á spáni, ég verð svo eina helgi aftur hér í holl en frá 1. sept. verður litla fjölskyldan hólmgeirsdóttir (eða þannig) aftur komin heim í hversdagshöllina ... vei!!!!!

fram og aftur

fyrir viku: sameinaðist fjölskyldan.
núna: ég er á kafi í ritgerð en sef samt smá og knúsa familí. allt á haus í kössum í íbúðinni
eftir viku: búin að skila fyrsta lokadrafti að ritgerð, drög að búslóð á leið í skip og fjölskyldan á leið til íslands!
eftir tvær vikur: fjölskyldan á spáni
eftir þrjár vikur: aftur á íslandi
eftir fjórar vikur: í menningunni í reykjavík
eftir fimm vikur: í systrastuði í hollandi, útskrift
eftir sex vikur: master í málvísindum, að flytja á öldugötuna, byrjuð að vinna

loksins! 

loksins!!! 

ísl-enska

meðan ég sit sveitt við að framleiða niðurstöður úr rannsókn sofa börnin (eða unglingarnir) uppi í dyngjunni, maðurinn teygir eftir hlaup í kvöldgolunni meðfram síkjunum og sappar á fjarstýringunni ... og hvað kemur í ljós? national geographic tv með stuttan heimildaþátt um ísland, eða jarðhita á íslandi llu heldur! og viðtöl við íslenska karla (off kors) sem segja frá þessu stórkostlega fyrirbæri á sinni yndislegu ensku.

skoppandi spikkeppur brestur í söng

sat og starði út í loftið áðan, hélst ekki á einbeitingunni og varð því ekkert úr verki. hvað er til ráða? skrapp út að hlaupa, hef ekki hlaupið svona snemma dags í langan tíma sökum svokallaðrar sumarveðurblíðu (sem kann að vera sumum lesendum framandi) og kom enda á daginn að ég réð ekki við að lengja hringinn af því að fjórða kílómetrann hljóp ég í sólinni ... úff, men. best var að hlaupa yfir leidsche rijn og eftir richard wagnerlaan, í skugga og golu. ég held að ég geti glatt marga á hlaupunum. hálffertug kerling með aukaspikkeppi hér og þar sem skoppast um svona frekar hægt og á það til að bresta í söng þegar best lætur, stundum læt ég þó nægja að hreyfa varirnar (með nokkrum tilþrifum) og smella fingrum eða eitthvað. stundum á ég mjög bágt með að halda aftur af mjöðmunum sem vilja gjarnan dillast í takt við góða mússíkina. og hvaða mússík er þetta? jú, á hlaupunum er spilarinn stilltur á sjöffúl, að sjálfsögðu, og er spennan jafnan mikil að vita hvað kemur næst ... coldplay, king´s singers, yes, depeche mode, cardigans, james brown, amerie, style council ... osfrv. mjög skemmtileg og ólík blanda. en ég semsé hljóp rúma fimm kílómetra í hitanum og sólinni og þegar heim kom var ég svo sveitt að ég komst varla úr hlaupagallanum. hálfköld sturtan var dásamleg. sit svo hér með opið út á götu og út í garð í von um örlitla loftkælingu. það virkar svo að nú skal haldið áfram vinnunni

virtúós á grænmeti

hef áður sagt frá frumutali rmb, ég vísa gjarnan til þeirra þegar ég reyni að fá blessað barnið til að gera það sem gott er fyrir líkamann (þe frumurnar) og þegar því er lokið spyr hún þær hvernig þeim hafi þótt þetta. hún spjallar líka við þær þegar þær eiga að laga meiddi og svoleiðis. í gær uppgötvuðum við mæðgur nýtt innra eðli, það er kanínan sem býr innra með henni en hún stuðlar ma að því að rmb mjög mikill hoppari, en hún verður vitaskuld að fá grænmeti! og hefur henni, þe kanínunni, tekist að fá rmb til að borða spínatblað, blómkál og barnatómata, og henni finnst þetta mas bara alveg ágætt! ansi gott mál. reyndar sagðist hún í gær ekki vilja borða dýr lengur, en henni fannst þorskurinn einfaldlega ómótstæðilegur og hætti við. kannski gerist hún grænmetisæta seinna.
...
annars hlýddi fjölskyldan á hlaupanótu dagsins/kvöldsins og þegar langt var liðið á flutning tablatrommuvirtúósins talvins singhs spurði barnið:
af hverju er svona indverskt? af hverju er svona indversk tónlist?

vinir og vandamenn athugið!

barst eftirfarandi í tölvupósti rétt í þessu. þar sem allar vonir standa til að mér muni takast að ljúka rannsókn og ritgerð á tilsettum tíma býð ég ykkur að verða viðstödd þennan merkisatburð og fagna með mér bara ef þið getið. allir (3) útskrifendurnir eiga að kynna rannsóknarverkefni sín fyrir non-expert áheyrendum (minn verður aöl talsvert skemmtilegri en hinir), en á eftir verður fagn að hætti hólmgeirsdætra sem verða, að ég held, í fyrsta skipti staddar allar þrjár saman á erlendri grundu (!) ... ji, hvað ég hlakka til þess ... þar sem meðal annars verður gætt sér á afmælisköku í tilefni táningsafmælisins.

dear students,

we have scheduled the first opportunity to graduate on 29 august from 11.00h
tot 13.00, at the senaatzaal in the academiegebouw. you are all invited to
assist to this happy occasion!

best wishes,

sergio

samkenndarhlaup

ég er að vinna á hlaupinu á maganum á mér og annars staðar með því að hlaupa svolítið svona 3-4 sinnum í viku. skokkaði áðan í 38 mínútur í kvöldsvalanum (ekki mjög svalt samt, 25 gráður eða svo), 5 1/2 kílómetra. ekki kannski verðlaunapeningur í augsýn ... en mér er nú nokk sama, ég mundi hvort eð er týna honum.
annars var þetta mjög ánægjulegt þarna áðan. ég hljóp í nokkrar slaufur meðfram húsbátaröðunum á kanölunum í grenndinni, í garðinum stóra, í trjágöngum, mætti börnum að leik, búrkuklæddum konum, hundum með eigendur sína á göngu eða hjóli og svo öðrum skokkurum, körlum og konum, ungum og öldnum, mjóum og breiðum, háum og lágum. svona samkennd í gangi, nikk nikk. heima verður það veðrið sem nikkar svo um munar.

sófaskrif

notalegt að sitja með lappann í kjöltunni og semja. rmb sefur uppi, bings á vappi inni, tekið að dimma úti, hlýtt. þessi ritgerð sniglast, en ég sé samt ekki enn fyrir endann á þessu öllu saman. það kemur. mér finnst ég ekki vitlaus, sem er skárra. veit ekkert verra en að skrifa ritgerð þegar mér finnst ég vitlaus. kann að vera að öðrum finnist það, en það snertir mig ekki neitt.
hjólaði alla leið í leikskólann og til baka í morgun. bráðum lýkur þessu tímabili í lífi fjölskyldunnar þar sem dagurinn hefst með langri morgunverðarstund seint og um síðir og svo löngum hjólatúr út í sveit. eftir smásumarfrí tekur við tímabil þar sem dagurinn hefst með snöggri sturtu og morgunnasli og hlaupum í nærliggjandi hús: leikskóla, gaggó og vinnu.
margs er að sakna, annars að fagna ... eins og alltaf hreint, ekki satt? ég vona bara að við náum að njóta kostanna sem það hefur að búa á íslandi, annars getur maður alltaf farið aftur, ekki satt?

í dag og í gær

í gær fór litla hálf-fjölskyldan í næsta garð með jarðarber og bækur og sat og las eða velti sér í grasinu, eftir aldri og fyrri störfum. sumir urðu rauðir, aðrir brúnir.
í dag fóru feðginin í leikskólann á rauða forsetafáknum en ég sit og hlusta á antóní and ðö jonnsonns og vildi óska að ég væri að fara á konsert í kvöld.

veiiii!!!

á morgun lýkur einsetukonutímabilinu. væntanleg eru ástkær unnustinn og litla prinsessan ... á morgun. ég á eftir að sakna þess að:
geta vakað fram eftir nóttu af því að ég nenni ekki að fara ein upp að sofa,
vakna alein í stóru rúmi og drattast á fætur til þess eins að vinna, vinna,vinna,
hugsa fyrir öllum mat ein og sér og sjálf, kaupa í hann, elda hann og ... borða hann,
hafa enga afsökun fyrir því að vera ekki hugmyndarík og rithress osfrv

... eða ekki.

djók

heyrði í litlu prinsessunni rétt í þessu. hún var í 3 1/2 árs skoðun og kom náttúrlega bara vel út úr því. hitti bæði lækni og sjúkrakonu.

mamman: hvað gerðirðu í skoðuninni
marían: ég þurfti að pissa
mamman: þurftirðu að pissa?
marían: djók

hún er greinilega búin að vera alltof lengi í burtu. orðin unglingur nú þegar.

nú koma þau feðgin á fimmtudag, og svo álfastelpan 11 dögum síðar og þá er fjölskyldan sameinuð á ný og tilbúin að flytja heim til ísalands. allir hlakka til

palestrina

er að hlusta á tallis scholars syngja palestrina. gvuðdómur. unaður. ég tárast. ég sakna. og dauðöfunda ykkur heima á íslandi sem komist á endurtekna tónleika kammerkórsins carminu í kristskirkju á morgun (sjá nánar hjá hildigunni). langar að syngja palestrina með unnustanum eins og í gamla daga.
svona sjöffúl er fyndið, næsta lag á eftir kíríei palestrina er af medúllunni og þar er ég nú einmitt að syngja með unnustanum, doltið ólíka tónlist samt.

skandall!

mér finnst algjör skandall hvað tennistísku karlmanna hefur hrakað frá því að björn borg var upp á sitt besta! þeir eru bara í einhverjum víðum lufsum og alltof síðum buxum. alveg glatað!

loner ekki lonely

fjölskyldan er mikilvægust í lífi mínu. mér finnst fátt skemmtilegra en að eyða kvöldi í góðra vina hópi og spjalli. mér finnst líka gaman að fara í partí og hitta kunningja og kynnast nýju fólki. ég hef jafnframt gríðarlegan áhuga á fólki (les: er mjög forvitin) og er bara svona voða sósíal týpa.

í heila viku hef ég nú verið alein heima í útlöndum. engin fjölskylda, fáir vinir, lítið um partí, bara ég ein heima að vinna mína einyrkja vinnu.

vissulega sakna ég barnanna minna og mannsins míns, fyrir utan vinina og fjölskylduna heima, en samt verð ég að viðurkenna að mér leiðist ekki neitt og ég er hreint ekki einmana. því fannst mér doltið skemmtilegt að lesa stjörnuspeki morgundagsins:

still not in the mood to mingle? then don't. if anyone knows how to hibernate, it's you. keep it going. if you get a teeny bit lonely -- which, in your current frame of mind, is doubtful -- there's always the phone.

kannski ekki svo vitlaust eftir allt ... hmmmm!

dagur fimm

jahérna hér, tíminn flýgur. ótrúlegt hvað ég hef komið litlu í verk. komið fram á dag sex nú þegar. hmmm, örvæntið eigi. ég mun sigrast á þessu. hef ákveðið að skrifa eins og ég get á morgun.
ég var ákveðin í því á mánudag að hugsa vel um mig meðan rmb og bing væru á íslandi og hef staðið við það í mat, en ekki nógu vel í hreyfingu. bæti úr því. en ég er búin að elda mér góðan mat frá grunni á hverjum degi, ekkert rusl eða rugl! best að fara að sofa. heyrði annars í litlu stelpunni og msnaðist við þá stóru. þær báðar hressar og ánægðar. rmb vildi reyndar að ég kæmi og sækti sig ... en það var meira svona fyrir mig, hún sefur í örmum frænku sinnar, en sú stóra gætir bræðra sinna ásamt frænku sinni. ég alein í útlöndum, í stóru húsi (eða þannig), skríð upp í stórt rúm ... góða nótt.