viðrar vel til ...

hlaupa, búin að vera í lægð síðan í hitanum á föstudag. verður ekki auðvelt, með krampa í fótunum eftir langar setur við tölvuna. slíkt er líka andlega og líkamlega þreytandi. kem ný og betri manneskja inn á eftir og í kvöld eru það dh, eða aa, með stinnar geirvörtur og allt!
annars var indiska æðingslegt! ég var í sarí, gekk vel, en af því að ég átti bara buxur innanundir en ekki pils fór ég ekki á klósettið fyrr en ég kom aftur heim! en sumsé, frábærir gestgjafar og gestir, unaðslegur matur og svo aðalið: þessi frábæra bíómynd, ekki nema 224 mínútur. gerist á indlandi fyrir löngu. skettlett!

laugardagur

rmb prófaði laugina sína úti á litla túni áðan. sama hitasvækjan svo að ég held mig bara inni við, hér við tölvuna og reyni við textagreininguna. verð að klára um helgina!!!
...
við bruðluðum doltið í gær; keyptum bökunarstein og höfðum svo pítsu í kvöldmatinn. það verður aöl alloft pítsa í matinn á næstunni. namminamm!!!

sarí

á hlaupunum í morgun óskaði ég mér þess sjóðheitt að fá eins og eina vel kalda vindhviðu, nú eða ískalda vatnsgusu, eða bara eitthvað annað svalandi. hitinn hér er svívirðilegur og svitinn var algjörlega eftir því. lyppaðist niður í sófann og fékk melónu þegar heim kom. við fórum svo í bæinn að kaupa á frúna fylgihluti fyrir boðið á sunnudag. keyptur var grænn bolur og grænir sandalar. boðið á sunnudag er indverskt, bollívúdd mynd og indverskur matur, hjá vinnufélaga b, sem er mikill lífskúnstner. ég klæðist vitaskuld grænum sarí sem mér var gefinn (og hvar er hann nú?) fyrir einum fimm árum. ég hef aldrei verið í honum og hef verið að æfa mig aðeins með hjálp nokkurra góðra kvenna, en veit ekki alveg hvernig þetta fer ... en þetta er amk spennandi!

sól og 29 stig

sumarið er komið!
rmb og pabbinn hjóluðu sína löngu leið í leikskólann í dag og stúlkan mátti svo sannarlega vera í pilsi, berleggjuð og í stuttermabol. þvílík hamingja! reyndar var pilsið ekki rétt (ekki dansapils, sem hægt er að sveifla) og sokkarnir voru líka aðeins af vitlausri gerð svo að hamingjan var ekki algjör og nokkrar rokur heyrðust um allt hverfið áður en þau voru tilbúin að leggja í hann.
en veðrið maður! það er yndislegt og spáð 29 stiga hita í dag. ég reyni kannski við 6 km, en ég hef hlaupið 4-5 km fjórum sinnum í viku undanfarið. stefni svo á að hlaupa 7 km í reykjavík í ágúst með elsku stóru stelpunni minni.

himnasending frá lín?

ég er námsmaður í útlöndum á lánum frá íslenska ríkinu, sem sér sér ekki fært að styrkja fólk til náms heldur lánar því smápeninga sem það eyðir svo ævinni í að greiða aftur.

af einhverri einkennilegu ástæðu treystir ríkið sér ekki til að lána mér þessa peninga fyrr en eftir á, þegar það hefur fengið staðfestingu á að ég hafi náð prófum (sem er náttla ekkert annað en afkáralegt). af þessum sökum þarf ég að taka lán á yfirdrætti (reyndar á námsmannakjörum af því að bankinn er svo "góður") þangað til kennararnir mínir eru tilbúnir að gefa mér einkunn fyrir liðið misseri. við lánsútreikninginn miðar bankinn við áætlun frá lín í upphafi misseris. þar sem prófessorar í útlöndum þurfa ekki að flýta sér að gefa einkunnir til að fólk fái lánið frá lín sem fyrst, eins og allir eru vanir að gera heima, hef ég stundum fengið lánið frá lín löngu eftir að námsmisserinu lýkur.

nú í haust fékk ég svona útreikning frá lín og sótti um og fékk yfirdráttarlánið frá bankanum mínum til að standa straum af framfærslu minni. löngu síðar fékk ég svo endanlega staðfestingu á að ég hefði náð tilhlýðilegum árangri á haustmisserinu (sem reyndar náði fram í febrúar) og þá fékk ég útborgað lánið, sem var ríflega 100.000 kr. lægra en ég (og bankinn) hafði reiknað með af því að eftir (og að hluta á meðan) að ég var að framfleyta mér og mínum á bankaláninu lækkaði gengið niður úr öllu valdi og var í sögulegu lágmarki við útborgun. úff, hugsaði ég, svona er að vera íslenskur námsmaður, alltaf með sultarólina í innsta ... ekki króna/evra til að gera nokkuð annað en að kaupa í matinn og stöku spjör utan á kroppinn. eins gott að maður kemst nánast allra sinna ferða á reiðhjóli. staðan var ferleg.

en svo kom það ótrúlega! lín ætlar að bæta námsmönnum í útlöndum þessa skerðingu, að hluta! eða eins og þeir orða það sjálfir:

námsmenn erlendis á yfirstandandi skólaári (2004-2005) fá aukalán til að mæta að hluta kostnaði vegna óvæntra og ófyrirséðra gengisbreytinga

jess! þvílíkar fréttir fyrir okkur námsmenn í útlöndum, þvílíkt tilefni til að fagna!

... eða hvað? ég spurðist fyrir um þetta mál og komst að því að ég þarf ekki að sækja um lánið sérstaklega heldur fæ ég bara alveg sjálfkrafa þessa miklu búbót, sem er 9,8% af mánaðarframfærslu ...

það þýðir að ég fæ innan við 10% af þeim mun sem mér reiknast til að sé á áætluðu og útborguðu haustmisserisláni! innan við 10.000 kr!

algjör himnasending!

hysterískar húsmæður eru að byrja í sjónvarpinu!!!!!

congratulations! you are lynette scavo, the
ex-career woman who traded the boardroom for
boredom, mixed with moments of sheer panic as
the mother of four unmanageable kids.


Which desperate housewife are you?
brought to you by Quizilla

20 05 2005

smartur dagur í dag, enda er ég svo smört ... áfram með smartísið!

mánudagsþriðjudagur

já, það er hálfgerður mánudagur í manni, kalt og rakt líka. sit norpandi við tölvuna, í ullarpeysu með ullarsjal og ég veit ekki hvað. þyrfti eiginlega að fara að hlýna, það er svo ótrúlega erfitt að fá rmb til að klæðast öðru en pilsi, stuttum bol og vera berleggjuð. kostar mikla samninga hvern einasta dag fyrir leikskóla og þegar heim er komið rífur hún sig þegar í stað úr sokkabuxunum til að verða berleggjuð á ný. reyndar fékkst hún um daginn til að klæðast sokkabuxum með gati á hnénu ... þá var hún sko berleggjuð á þeim parti!
...
fórum annars í ferðalag um helgina. mat-partí-gistingu-barnaafmæli í haag. ferlega skemmtilegt allt saman, enda margir góðir gestgjafar sem lögðust allir á eitt að gera dvöl okkar sem besta og skemmtilegasta.
...
þessi færsla er tileinkuð gunnu og völu. bið að heilsa ykkur og öllum hinum, skvísur ;)

tvítyngda barnið mitt

rmb er mjög dugleg að kenna okkur sem minna megum okkar (hinum gömlu) hollensku. hún söng fyrir okkur nýtt lag um daginn, fyrst á hollensku og svo á íslensku, svo að við næðum boðskapnum. hún er mjög meðvituð um mismun tungumála, þe íslensku, hollensku og ensku, sem eru þær tungur sem hún heyrir á hverjum degi. tekur líka eftir ef annað mál heyrist notað. stundum slæðist orð á hollensku inn í íslenskuna, en það er síðan endurtekið á íslensku (td fyrst muziek og svo tónlist). þegar íslensku orðin slæðast inn í hollenskuna er það nú einfaldlega vegna þess að hún þekkir ekki það hollenska. við því kann hún það góða ráð að skeyta smækkunarendingunni -tje aftan við íslenska orðið (sem er reyndar rosalega mikið notuð). úr því verður td krummetje, gluggetje og svo tilkynnti hún fóstru sinni hróðug um daginn að hún væri með lummetje í nestið! þótt henni finnst stundum gaman að grípa til hollenskunnar hér heima, finnst henni samt alveg hreint ólýsanlega spennandi að fara bráðum í leikskóla þar sem öll börnin tala íslensku "alveg eins og við gerum heima".

íslenskir söngfuglar

mér hafa yljað um hjartaræturnar tveir ungir íslenskir söngfuglar sendir með vængjum óla palla yfir internetið. fyrst hildur vala sem syngur sig inn í hjarta mitt og svo hann sæmundur rögnvalds og birnuson, gvuð, hvað hann var æðislegur, aleinn og óstuddur og lét öskrandi, klappandi og stappandi múginn ekki setja sig út af laginu. svona á að gera þetta!

frummyndarrauðvín

sumum finnst carmenerevínið í karöflu hússins vera frummyndarrauðvínið. ilmur af þungum berjum og reyk og einhverju fleiru alls konar ... ég skal ekki segja, en mig langar sjúklega í 70% súkkulaði núna, en fæ ekki.

kuldi smýgr

ég skal sko segja ykkur hvernig maí er: rok, rigning, sól, hagl, rok, sól, rigning.
ég var mjög lengi að hafa mig af stað í leikskólaleiðangurinn í morgun, klukkutími á hjólinu í svona veðri er bara ekkert skemmtilegur. lét mig samt hafa það og brýst nú fram á ritvöllinn ... bara ekki hér, heldur þar sem ég á að vera. en fyrst, meira kaffi.

föstudagsfjör

í gær var föstudagur ... eins og margir vita (ekki allir samt). við fórum í bæinn á hjólunum (ég var á hælaskóm, sem sumir kalla reyndar stokkaskó), ákváðum strax að kjólnum sem keyptur var á frúna um daginn yrði ekki skilað að svo stöddu, biðröðin í hogm var einfaldlega of löng. gengum þess í stað í átt frá helstu verslunaræðinni og að þeim smærri sem liggja út frá hinni. þar gengum við á röð ævintýralegra verslana með ýmiss konar dýrindi á boðstólum, tam kaffi og kaffivélar, vín og olíur og fleira í þeim dúr. fengum vatn í munninn ég kom með alls kyns moederdagtips fyrir morgundaginn og útskriftargjafartips fyrir síðsumarið. sjáum til hverju það skilar ... gengum lengra. fleiri gúrmebúðir ... gengum fram hjá einni sem selur vín ... en aðeins til að eiga hana inni. gengum svo fram á verslun sem selur tilbúna rétti, einmitt það sem okkur vantaði: spínatlasagna með lambahakki, kjúklingavængir í tapenaði og vorsalat með smælki, ólífum, túnfiski, ætiþistlum og aspas (og einhverju fleiru) var sett á menu kvöldsins. snerum við. fórum nú inn í verslunina sem við höfðum áður gengið fram hjá ... el beso ... kossinn. rmb fannst búðin hugguleg, enda kertaljós og kósí stemmning. afgreiðsludaman var með hvítvín í háu glasi á borðinu. við gengum um og könnuðum markaðinn. benni valdi flösku af hvítvíni frá chile sem hann langaði að prófa, en sú með hvítvínsglasið vildi endilega gefa okkur að smakka argentínskt vín sem var í opinni flösku. nammi namm. svo byrjaði hún að spjalla. hún reyndist vera frá argentínu, rak þessa verslun og flutti inn argentínsk vín til hollands, belgíu og víðar. var ósköp glöð að hitta fólk frá öðru landi en hollandi og talaði mikið um hollendinga og um vín, karlmannleg og kvenleg td! shirah er að hennar sögn mjög kvenlegt vín, þe konur missa sig yfir því, enda fer það vel með dökku súkkulaði. ég gat ekki verið henni meira sammála. nammi namm. skemmtileg tilbreyting að hitta svona expressífa manneskju hér um slóðir! heldur betur. við enduðum að sjálfsögðu á að kaupa tvær flöskur, eina hvíta (chardonnay frá argentínu) og aðra rauða (carménére frá chile). á heimleiðinni létum við okkur dreyma um slíka verslun heima í hinni yndislegu reykjavík: lítil búð, þægilegir sófar og stólar, kertaljós og falleg tónlist. á föstudögum kæmi fólk við á leiðinni heim og fengi sér glas af góðu víni meðan vínið með helgarsteikinni væri valið, spjallaði við kunningjana sem væru þar í sömu erindagjörðum ... kannski, kannski ekki. við sáum líka fram á að við myndum sennilega freistast til að opna aðra flöskuna, sem við og gerðum ... og sáum ekki eftir því.
...
nú er laugardagur. barnið leikur sér í nýja herberginu, ben syngur bach og ég vinn með flíspeysuna rennda upp í háls, úti bylur regnið, verður gaman að hlaupa á eftir. kannski, kannski ekki.
...
lítil pæjusaga:
ég var að lýsa örvæntingarkasti barnsins fyrir föðurnum. þannig var að ég hafði í ógáti tekið bita af eplisbáti barnsins, sem brást við með því að opna munninn til fulls svo að úfurinn naut sín vel og gefa frá sér frummyndaröskur.
rmb hlustaði mig lýsa þessu og spurði svo: í hvernig fötum var ég?

keppni

hitti súperinn í dag, frábært alveg hreint! mér finnst þetta svoo skemmtilegt eitthvað, allt saman (vonandi bara að það vari út ritgerðina!). hitti hann næst eftir hálfan mánuð og hyggst halda á spöðunum þangað til.
...
fór út að hlaupa, ríflega fjóra km á rétt ríflega 30 mín. ég er nýbúin að finna vefsíðu þar sem hægt er að mæla vegalengdir um alla evrópu, borga sem borgarhluta á milli. ótrúlega sniðugt og snjallt.
...
gaman þegar maður sér árangur af vinnu sinni, hvetur mann áfram til frekari afreka og keppni. alltaf að gera betur.

klúðr

ég klúðraði gjörsamlega vinaprófinu hjá þórdísi, dísös! var á þönum upp og niður að sinna skutlunni sem vill ekki sofna sjálf og fékk svo mann á gluggann hjá mér (snýr út að götu). var ekki alveg eins skerí og það hljómar af því að þetta var bara hann benji hlaupagikkur.
...
ég er búin að sitja við í allan heila dag og hefur orðið talsvert úr verki. sem betur fer. enn er laaaangt í land, en bætir úr skák að mér finnst afskaplega gaman að synda.

búkur

á heimasíðu oh er orð vikunnar rass og málsháttur dagsins þar leikur augað á sem kært er. skemmtileg tilviljun?

a moll

dagurinn mun betri en ég bjóst við þegar ég drattaðist í bælið í gær. hljóp í hálftíma, best í skugga og smá andvara. allt krökkt af fólki í garðinum. fórum svo í bæinn og fjárfestum í eldhúsvog og eplagrænum sumarskóm á barnið - loksins! rmb fannst ansi margir allsberir og berleggjaðir í bænum, og smábörnin voru meira eða minna berfætt líka. benzinn stökk út í nóttina á stuttbuxum og stuttermabol. jamm, svona er maí.

á listasafninu 

vel keyptur ís! 

ragnheiður og riddarinn í haga 

prinsessa

sjálfur prinsinn af adam kom og gætti prinsessu heimilisins um daginn meðan móðirin fór og hlýddi á 70 manna kór flytja reger og brahms. doltið gaman bara. heine/jortur/jossi líka alltaf hress ;)
...
marteinn hringmaur hefur dvalið hér tvær nætur. hann hefur sungið í kór með allri fjölskyldunni einhvern tíma á ferlinum, nema mér, við vorum hins vegar saman í handritalestri hjá stefáni karlssyni. þó hefur hans búseta á íslandi verið bæði stopul og stutt. sumsé, marteinn kom, fór til belgíu, kom svo aftur. hittum hann í hag í gær og gengum þar um götur, skoðuðum vermeer og rembrandt og slíka. rmb fannst rembrandt áhrifaríkastur (anatómíukennslustundin), reyndar líka stúlkan með perlueyrnalokkinn. annars vann hún það helst til afreka að kaupa sér ís upp á eigin spýtur fyrir utan hýbýli prinsins og einhverja höllina. var með tíu evru seðil, og gekk með hann að vagninum, þýskur túrhestur lyfti henni upp í opið, hún rétti fram seðil og fékk í staðinn eina bleika og eina hvíta kúlu í vöffluformi. alsæl, að sjálfsögðu.
...
drottningardagur í dag, við röltum eftir strætinu okkar í morgun, rmb fékk svona bleikt, hentum því skömmu síðar. gott að vera búin að því! hún fékk líka blöðru. skildi samt kórónuna sína eftir. fórum svo heim og ég vann vel meðan þau feðgin færðu eitthvað aðeins til á efri hæðunum. svo fórum við aftur, mæðgurnar, nú var bæði næntje blaðran og kórónan fína á sínum stað, upp á stræti og þá var þar mikið drasl og rusl og flestir farnir heim. appelsínugulir hollendingar skemmtu sér þó ágætlega við undirleik hljómsveitar, við dönsuðum tvær eftir götunni, sem venjulega er krökkt af ökutækjum. sumir höfðu greinilega lent í útistöðum í ölæðinu og voru orðnir meira út í rautt en appelsínugult. við fundum búð sem var ekki alveg búin að loka og ég bað um jerðarbeir, en skildist ekki. þegar ljóst var að ég var að biðja um jarðarber fékk ég hálft kíló í kassa og greiddi fyrir heil 75 júrósent, eða um 60 kall. dönsuðum til baka og heim og horfðum svo á dans á bíbísí. rmb sofnaði svo í nýja herberginu sínu á hæðinni. sæl. sæt.